tg-me.com/ibratdir_dunyom/7311
Last Update:
Бир киши кўчада сиқилиб, сигарет чекиб турса, бир дўсти келиб қолибди. "Нима бўлди, нега бундай аҳволдасан, ўртоқ?", деса, "иш йўқ, пул йўқ, ҳатто оғриётган тишимни кўрсатгани докторга бора олмаяпман", дебди.
Шунда дўсти унга иш таклиф қилибди. Офисига олиб келиб, бир хона ажратиб берибди. Хонада кресло, катта ТВ ва стол бор экан. Столда телефон ва бир қизил тугмача.
Дўсти унга "кун бўйи ТВ кўриб ўтирасан. Сенга телефон қилиб, тугмани бос, дейман, босасан, бўлди. Шундан пул топилади. Топган фойдани 50 фоиздан бўлишамиз", дебди.
Шундай қилиб, ҳалиги одам кун бўйи ТВ кўриб ўтирармиш, ҳар замонда дўсти қўнғироқ қилиб, тугмани бос, деса босиб қўярмиш. Кунлар ўтган сайин даромад кўпайиб, ҳалиги одамниям пули кўпайиб, уй, машина олиб, бойиб кетибди.
Бир куни кечаси хотини қараса, эри ошхонада сиқилиб, норози ҳолатда, асабийлашиб ўтирганмиш. "Сизга нима бўлди?", деса, эри "қара, ўртоғим билан пул топяпмиз, лекин пулни 50 фоиздан тенг бўлиб оляпмиз тўғрими?", дебди. Хотини "хўш?", деса, эри "нега у билан тенг бўлишишим керак? Тугмани мен босяпман-ку!", деган экан..
Афсус, баъзилар сизнинг соянгизда бойиб кетиб, кейин кўрнамакликка тушиб қолар экан...
Ибрат излаганга — ибратдир дунё